948199775 · 944472812 fundacion@koine-aequalitas.org

Zuzendaritza Teknikoa eta patronatua

Mª José Beriain Apesteguía

Presidentea

Nutrizio eta Bromatologia Arloko unibertsitate-katedraduna. Farmazian lizentziaduna eta doktorea Nafarroako Unibertsitatean. Zenbait irakasgai irakatsi ditu janarien zientzia eta teknologiaren eremuan Nafarroako Unibertsitate Publikora 1990ean heldu zenez gero.

 

Haragiaren kalitate eta teknologiaren ildotik dabil bere ikerketa lana, bereziki propietate osasungarriak dituzten produktu berriak diseinatu eta garatzera bideratuta. Bere ikerketak eskualde, nazio eta Europa mailako berrogeita hamar proiektutik gora hartzen ditu, finantzaketa publikoarekin eta haragi industrienarekin ere bai, produktuen kalitatea hobetzeko elkarlan estua baitauka haiekin. Argitaratuak ditu 80 argitalpen zientifiko-tekniko baino gehiago, liburuetako bi dozena kapitulu eta ehun komunikaziotik gora kongresu nazional eta nazioartekoetan. Hamabosten bat doktore tesiren zuzendaria izan da. SCIren aldizkarietan ebaluatzaile zientifikoa da. American Society of Animal Science elkarteko kidea da. Haragiaren eta haragikien kalitateari buruzko hogeiren bat ikastaro, mintegi eta hitzaldi eman ditu.

 

OTRI Nafarroako Ikerketa Emaitzen Transferentzia Bulegoaren zuzendaria izan zen bost urtez (1999-2004). IPPA Graduaren Batzorde Akademikoko kidea da, eta Nekazaritza Elikadura doktore programakoa.

 

NUPeko IS-FOOD Nekazaritzako Elikadura Katearen Berrikuntza eta Iraunkortasun Institutuaren zuzendaria; Institutuak elikagai seguru, iraunkor eta osasungarriak ekoitzi, berritu eta bultzatzea bilatzen du.

Myriam Flores Quesada

Zuzendaritza Teknikoa

Gizarte Lanean diplomaduna Deustuko Unibertsitatean eta Antropologia Soziokulturalean lizentziaduna Euskal Herriko Unibertsitatean. Graduondokoa Gizarteratze eta Lan-munduratze Agenteetan. Masterra Familia, Herritar eta Merkataritza Bitartekaritzan. Masterra Ikerketa Antropologiko Aplikatuan.Esperientzia zabala du bai gizarte sektoreko zenbait erakundetan, non zuzendaritzako zereginak nahiz desabantaila sozialeko egoeran dauden taldeetan esku-hartzeak egin dituen (desgaitasunak dituzten pertsonak eta etorkinak, bereziki), bai zerbitzuak eta programak diseinatzen eta memoria eta txosten teknikoak lantzen. Irakaskuntzan ere esperientzia luzea du zenbait heziketa espezialitatetan: komunitateen dinamizazioa, proiektu sozialen garapena, esku-hartze soziala…

Zenbait ikerketa lanetan hartu du parte, desgaitasunaren eta migrazioen eremuan.

Patricia López Equiza

Presidenteordea

Soziologoa. Graduondokoa eta Masterra Giza Baliabideetan, Kalitate Kudeaketan eta Gizarte Zerbitzuen Plangintzan.

Badira 10 urte baino gehiago Gerente postuak betetzen ari dela zenbait enpresaburu elkartetan: 2017az gero, ANEC Nafarroako Aholkularitza Enpresen Elkarteko Gerente eta 2017az gero ADEMAN Nafarroako Zuraren Enpresaburuen Elkarteko Gerente. Postu horietan lan egin baino lehenago, gizarte, enpresa eta enplegu arloetako zenbait proiekturen kudeaketan aholkulari jardun da, bai eskualde mailan bai nazioartekoan.

Aditua da lidergo eta estrategia, komunikazio eta marketin, proiektu kudeatze, nazioartekotze, merkataritza eta enpresa dinamizatze arloetan.

Kattalin Ibañez Bastarrika

Idazkaria

Gizarte Lanean eta Gizarte Graduan diplomaduna. Graduondokoa Irabazi Asmorik gabeko Erakundeen Kudeaketan eta Aukera Berdintasuneko agentea.   Ç

Bere bizialdi profesional luzean aukera izan du programa aitzindariak eta erreferentzia nazionala izan direnak abiarazten parte hartzeko, etxeko arretako gizarte zerbitzuen arloan, gizarte integrazioko etxebizitzen arloan, genero indarkeriaren biktima diren emakumeen arretan eta abar.

Zuzendaritzako zenbait postu bete ditu gizarte zerbitzuen eta enpleguaren arloetan, eta horietan bere ardurak gizarte baliabideen kudeaketa arloa, antolakuntzaren plangintza eta lan jardueraren sustapena izan dira: enpresetan, sindikatuetan eta abar.

Era berean, Europako proiektuak, ikerketa eta plan estrategikoak eta ekintza plan publikoak egin ditu eta/edo horietan parte hartu du.

Vicky Oteiza Echeverría

Kideak

Soziologoa. Gizarte-langilea. Masterra Counselling eta Integrazio Ikuspegiko Psikoterapian Birmingham City University unibertsitatean, Birmingham (UK). Unibertsitateko aditua Psikopatologian eta Osasunean UNED Urruneko Hezkuntza Unibertsitate Nazionalean. Coaching exekutiboa eta antolakundeena.

Postu teknikoak bete ditu soziologo, gizarte-langile eta counsellor moduan hainbat gizarte zerbitzu lokal, autonomiko eta Europarretan, bai zuzeneko arretan bai zenbait programaren jarraipena eta ebaluazioa egiten (etxebizitza, enplegua, inklusioa eta abar).

Gaur egun egiten ari den zeregin profesionaletan, hausnarketa estrategikoetan laguntzea, pertsona kudeaketa hobetzeko tresnak antolakundeetan garatzea, analisi eta adostasun metodologia kuantitatibo nahiz kualitatiboak (elkarrizketak, eztabaida taldeak, behaketa parte-hartzailea), gaitasunak ebaluatzeko sistemen ezarpena; gaitasunetan oinarritutako banako eta taldeko entrenamendu eta garapen profesionaleko prozesu asko diseinatu, ezarri eta ebaluatzea; eta abar.

.

Luis Ciriza Ariztegui

Kideak

Zuzenbidean lizentziaduna. Osasun Zerbitzuen Zuzendaritzan Masterra eta MBA. Pertsona Zuzendaritzan graduondokoa.

Zuzendaritzako zenbait postu izan ditu osasun, gizarte zerbitzu eta enplegu arloetan, eta giza baliabideen, antolakunde plangintzaren eta enpresa-jarduera sustatzearen arloez arduratu izan da postu horietan. Halaber, hogei bat urte baino gehiago darama irakaskuntza lanetan, Lan Zuzenbidearen eta Gizarte Segurantzakoaren irakasle, Nafarroako Unibertsitate Publikoan, Gizarte eta Lan Politiken irakasle, Univ. Oberta de Catalunya unibertsitatean, eta praktiketan laguntzeko irakasle, Euskal Herriko Unibertsitatean.

Ikerketa eta plan estrategiko eta ekintza plan publiko asko zuzendu eta egin ditu edo parte hartu. 2007az gero enpresei aholkularitza ematen die gai estrategikoetan, antolakuntzaren gainean eta pertsonei buruz.